ഭൂതകാലം

ചടുലമാം താളത്തിന്റെ വരകൾക്കുമപ്പുറം
നേർത്ത ചിതലിന്റെ ഈറൻ നോവുകൾക്കപ്പുറം
ഓർമ്മതൻ നിറഞ്ഞ തഴികകുടത്തിലെവിടെയോ
തുളുമ്പുന്നിതാ എന്റെ നിതാന്ത ഭൂതകാലം
ബാല്യവും കൌമാരവും യവനികയിലെവിടെയോ
പടരുന്നിതാ വർണ്ണ ചിത്രങ്ങൾ പോലെ
ഓർമ്മതൻ വാതയാനത്തിലെവിടെയോ
വരച്ചിട്ട മിഴിവാർന്നൊരീ കാലത്തെയോർത്തു
ഇന്നുമെൻ മനം തുടിക്കുന്നിതാ
ഓർമ്മകളിലെവിടെയോ തിരിഞ്ഞു നോക്കുന്നു ഞാൻ
ഇനിയുമേറെ എന്നൊർക്കുന്നിതാ എൻ മാനസം
മരിക്കാത്ത മറവികളിലെവിടെയോ പാർക്കുന്നു ഞാൻ എന്നും
ഇനിയും ഓർമ്മകൾ എന്നെയോർത്തെവിടെയോ പോകുന്നു
ഇനി വരും വസന്തതിനായി ഓർക്കുന്നില്ല ഞാൻ
വീണ്ടുമിതാ പോകുന്നു പുതിയ കാലസ്മൃതിയായി